من ذكرياتي ♥

أول يوم أغسل مواعين :))

وما أدراكم ماهو غسيل المواعين الا البنات طبعا عارفينه :D :D

أنا ( كنت ) بنت مدلعة جدا بمعنى كلمة مدلعة بما إنى أول حفيدة في عيلة بابا وماما فأساسي كنت لازم تكون كل طلباتى مجابة ^_^
وأثر قوى عليا موضوع الدلع دا لحد ما نزلت أول يوم شغل ف حياتى ودا ليه قصة لوحده حقيقي :D

المهم ماما عملت عليا كمين إنى لازم وحتما ولابد أغسل المواعين ومادبسش أختى ،وحذرت أختى إنها ماتغسلهمش ..

وقد كان وفضلت أنا سهرانة كالعادة وطبيعي المواعين سهرانة معايا لحد ما قررت أدخل أغسلهم مابدهاش بقا ..

أنا بس مسكت طبق بطراطيف صوابعي عارفين ماسكة المنديل القذر بالظبط كدا وكنت هاجيب اللى ف معدتى ( والله حصل ) :D
وفتحت الحنفية وغسلته وأنا كارهه اليوم بالليلة بالمواعين ههههه
وتانى طبق نفس الموضوع تالت طبق إيه دا لا بقا حرام :(
وكله كوم وأول حلة رز كوم تانى طب دى تتغسل إزاى بقا :D
وفضلت أعافر فيها وتعافر فيا لحد ما طلعت روحى وغسلتها :)))

وفضلت على كدا 3 أيام نفس الموقف بنفس رد الفعل وأحاول أتاخر على قد ما أقدر في السهر علشان أفلت بس أبدا ماما كانت مظبتة الدنيا هى وأختى :D
وبقيت أغسلها أحسن منهم كمان :P :D
ومن أول مرة دخلت المطبخ لغسل المواعين .. نوصل لدخولى المطبخ في أول مرة أطبخ فيها :D

شاهى محمد

أسلوب حياة

حدثنى عندما تصبح قلة الذوق ( حرية شخصية ) .

شاهى محمد 

المسلم بأفعاله

خمر ونساء ..
فرقت إيه عن كفار قريش ؟
فرقت إنى مسلم !!
وهو الإسلام محصور في كلمة مسلم ولا أفعالك كمسلم ؟!!
شاهى محمد

يا رب

عندما ترى أحلامك تتجسد واقعاً لـ غيرك .. مشيئة القدر وحكمة لا يعلمها إلا الله .
الحمد لله .

شاهى محمد

اقتناع

أنا لا أملك جمال نجمات السينما في مظهرى .. ولكنى أملك ثقة الأميرات في داخلي :)

شاهى محمد

Religion of Peace ??

  people just got the idea from the news but what about searching for the truth .

 
Not all the Islamic people terrorists, not all the Christian people angels , not all the Jews tolerant .

Do all the Cristian people see the Jews believers !!
If so why they didn't be a Jews like them ??!!
And the same for the Jews , did they see the Cristian people believers why they didn't became Cristian ?!!

Although Jesus came after Prophet Moses and asked Jews People to believe in him and God what did they do ??

We believe in Jesus & Moses and respect their prophecy .

We have in Qur'an Surat called unbelievers God telling us to leave all the unbelievers in peace

here is a translation for it

http://youtu.be/NmguN1YqIcA

Please don't judge on Islam by only some few bad people all the world focus on them only .

 
Greetings .

Shahy Mohamed

عبد الأم 2013

أمي الحبيبة ..

كل سنة وأنتى طيبة ودايما معانا ..

أنا عارفة إنك مش منتظرة مننا أى هدايا علشان إحنا عيالك مخلصين فلوسنا على كروت الشحن موبيل ومودم :)

ورغم ذلك يا أمى أنا جبت لك هدية غالية وقيّمة مش هاتلاقيها في أى مكان في الدنيا وأنا عارفة إنك هاتحبيها وتخافي عليها ...

أنا أهو هديتك أغلى من كل هدايا الدنيا ^_^

إشبعي منى بقا قبل ما ييجى واحد يخطفنى منك وإنتى مش واخدة بالك :D

شاهي 

التجاهل أبشع شئ

  أنا أُفضل أن تعتذر عن صداقتك لى عن أن تتجاهلنى ..
 فهذا يعبر عن إحترامك للأخرين مهما إختلفت معهم .

 شاهى محمد

غموض الرجل

 لا يجذبني الرجل الغامض .. فغموض الرجل يزيدنى نفورا ..

  يجذبنى الرجل الذي يبهرنى بـ ثقافته ، بـ رقته ، بـ رجولته ، بـ عقله ومدى رجاحته ..

  وكلما إزددت إبهارا .. يزداد ضعفي .. وأُجذب إليه أكثر وأكثر .. ل أصبح كـ الطفلة بين يديه .

  شاهى محمد

كيت وينسليت :)

 من ذكرياتى ♥

بعد ما تم عرض فيلم تايتانيك ( في مصر ) وكسر الدنيا ..
شخص ما قال لى : تعرفي إنتى شبه كيت وينسليت .. ( والله حصل ) :D
أنا بذهول : نعم !
قال : أيوا والله إنتى شبهها ( لا وبيحلف )
وطبعا لم أجد تعليق غير الضحك :D
وإستنتجت إنه أكيد هايكون حاجة من الثلاثة ...
يا إما هو نظره كان شيش بيش ومحتاج كشف نظارة سريع :)
يا إما كان بيموت فيا وإنتم عارفين بقا مراية الحب عامية أصلا :))
يا إما هو كان عنده بُعد نظر وأنا أشبهها فعلا ، وشاف الشبه اللي أكيد كلنا مش شايفينه . ^_^
وأصبحت حتى الآن كل ما أشوف صورتها حتى لو صدفة لازم أفتكر هذا الموقف وأبحلق وأفحص في ملامحها لَعلّ وعسى :D

قطى المدلل :)

من أكثر اللحظات اللي بحس فيها بسعادة لما يكون كوكو قطى العزيز المدلل .. نايم وغرقان في نومه وآجى أطبطب عليه ومايتخضش من مفاجأة ايدى ..بفرح قوى إنه حاسس بالأمان للدرجة دى معايا ^_^

 المعاناة بقا إنى بكررها كتير بيصعب عليا ساعات بس مش بقدر أمسك نفسي خالص :) 

 كل اللى ماعندوش قطة وعايش لوحده يشترى ..

 إحساس حلو والله إنك تكون مسئول عن روح وتحس إنها مبسوطة ومطمنة معاك ♥ .