احساس

معظم الأوقات أشعر أن حياتى الدنيوية ستنتهي سريعاً ،

وأن حياتى الحقيقية عند الله .. ليست في الدنيا وليست مع البشر .

مجرد احساس .

شاهى محمد

 

 

الدنيا

الدنيا زي التفاحة الأمريكانى من بعيد تبص عليها .. تشتهيها ..

 تروح تمسكها بلهفة وريقك بيجرى عليها ..

ومن أول قطمة تعرف انك اتخدعت فيها .

شاهى محمد

زمن اللا رجولة

الرجولة لا تباع ولاتوهب بل هى شعور بالفطرة من حرم منه بدعيله ربنا يرحمه

شاهي محمد

ترجمة الحب

قال لها سوف اقول لكِ بعض الجمل وتقومين بترجمتها لى إلى اللغة الانجليزية

فهزت رأسها موافقه

 فقال لها : أحبك

فترجمت : I love You

قال لها : هل تتزوجينى ؟!!

فترجمت بكل عفوية ولم تفهم ماذا يقصد ..

Will you marry me 

ثم وجدت خاتما في اصبعها ولم تجد سوى دموعها ترجمة لمشاعر الفرح بداخلها .

شاهى محمد

تَغيَّر حتى تُغيِّر ..

دائما بنعمل مقارنات بينا وبين الغرب في كل حاجة المعيشة والنظافة والإقتصاد وردود فعل المسئولين هناك وهنا في مواقف مشابهة ..
وغالبا الدول الغربية هى الكسبانة في هذة المقارنات  ..

لكن فيه حاجة مش واخدين بالنا منها أو ممكن نكون متناسينها ..
إنهم أيضا عندهم مشاكل إغتصاب وتحرش وبطالة وقتل وحوداث زي حادثة الهليكوبتر اللى وقعت في لندن النهاردة ..
الفرق بينا وبينهم إنهم بيحاولوا يدوروا على الأسباب علشان ماتحصلش تانى ..
لكن للأسف هنا مافيش حد بيحاول ..
حتى إحنا نفسنا مش بنحاول نغير من نفسنا ..
كام مرة حاولت تغير من سلوك خطأ أنت نفسك بتعمله ؟
للأسف أغلب المصريين منتظرين التغيير اللى يهبط عليهم ..

تغيير مادى ، وتغيير مسئولين ، وتغيير نظام ..

 لكن عمرهم ما فكروا يغيروا حتى من سلوكهم نفسهم ..
ودى مشكلتنا إننا طول الوقت منتظرين لكن مش بنحاول حتى مع نفسنا في أبسط مواقف الحياة .

تَغيَّر حتى تُغيِّر ..

شاهى محمد

أبجديات التغيير

 http://www.saaid.net/aldawah/t24.htm