الإحساس نعمة فقدها البشر

إنها اللحظة اللى تكون قاعد حزين وبتفكر إن مافيش حد حاسس بيك .. وفجأة تلاقي القط بتاعك من غير ما تنادى عليه .. يجى يقعد على رجلك ويتمسح فيك كأنه بيقول لك أنا موجود حاسس بيك ماتزعلش أنا معاك .

وقتها بس تحس إن نعمة الإحساس فقدها الإنسان وأخذها الحيوان .

 

شاهى

وإنتى قايمة تصلي ...

وأنتى قايمة من السرير رايحة تقفى على السجادة وتكوني بين إيدين ربنا ...
وأنتي في الطريق عدي على التسريحة ظبطى طرحتك وهدومك وحطى بيرفيوم .. بيرفيوم !!

اه بيرفيوم .. دا هو الأولى إنك تتهندمى وتتعطري علشانه ...
يمكن بوقوفك بين إيديه ريحتك حلوة ولبسك نظيف ومتهندم تكونى من اللى ربنا وعدهم بـ ....


جَنَّاتُ عَدْنٍ تَجْرِي مِن تَحْتِهَا الْأَنْهَارُ خَالِدِينَ فِيهَا وَذَلِكَ جَزَاء مَن تَزَكَّى (76) ( طه)

أُوْلَئِكَ أَصْحَابُ الْجَنَّةِ خَالِدِينَ فِيهَا جَزَاء بِمَا كَانُوا يَعْمَلُونَ (14) ( الأحقاف)

جَزَاؤُهُمْ عِندَ رَبِّهِمْ جَنَّاتُ عَدْنٍ تَجْرِي مِن تَحْتِهَا الْأَنْهَارُ خَالِدِينَ فِيهَا أَبَداً رَّضِيَ اللَّهُ عَنْهُمْ وَرَضُوا عَنْهُ ذَلِكَ لِمَنْ خَشِيَ رَبَّهُ (8) ( البينة)

وَسِيقَ الَّذِينَ اتَّقَوْا رَبَّهُمْ إِلَى الْجَنَّةِ زُمَراً حَتَّى إِذَا جَاؤُوهَا وَفُتِحَتْ أَبْوَابُهَا وَقَالَ لَهُمْ خَزَنَتُهَا سَلَامٌ عَلَيْكُمْ طِبْتُمْ فَادْخُلُوهَا خَالِدِينَ (73) ( الزمر)

أُوْلَـئِكَ جَزَآؤُهُم مَّغْفِرَةٌ مِّن رَّبِّهِمْ وَجَنَّاتٌ تَجْرِي مِن تَحْتِهَا الأَنْهَارُ خَالِدِينَ فِيهَا وَنِعْمَ أَجْرُ الْعَامِلِينَ (136) ( آل عمران)

يا رب نكون منهم .

شاهي  

 

حب إبتدائي ..

من ذكرياتى ♥

حب إبتدائي ..
الحب البرئ :)
حب المصاصة والحرنكش :D

كانت ليا واحدة صاحبتى إسمها عصمت المهم إيه في مرة وإحنا خارجين من المدرسة كنت في 5 إبتدائي شفت بأم عينى عصمت دى وهى إيه بقا ماسكة في إيد البوي فريند تبعها ( مش فاكرة إسمه ) بس كان قمر قمر يعنى عينه ملونة وأبيضانى كدا وشعر ملون واد أجنبي :D
بمقاييس دلوقتى تركي أصيل هههههه
وعصمت دى يعنى زى حالاتنا كدا كان جمالها عادى ودايما عامله شعرها كحكة من ورا وكانت سفيفة كدا ورفيعة مووت ...

المهم لما شفتها بقا إيه دا كانت أول مرة اشوف 2 ماسكين إيد بعض غير الأفلام :D
المهم لاقيتها جاية تقولى إن صاحب البوي فريند تبعها عاوز يكلمنى ( كان إسمه محمود ) مش هانكر أنا فرحت :D :D
وقلت بقا دا هايبقى أجنبى زي بوي فريندها كدا :)))))
بس للأسف طلع عادى بس كلمته كأنه أخويا الصغير صعب عليا جدا ماعرفتش أقول إيه أصل انا كان في دماغي إن كلهم هايبقوا زى بوي فريند عصمت :D
وبعدها الحمد لله السنة خلصت لأنه كان أخر تيرم ليا في إبتدائي والمدارس المشتركة وإنتقلت ل إعدادى كان كله بنات في بنات :)

من ذكرياتى ♥

وأنا لسا في أولى معهد خدمة إجتماعية كان فيه زميل ليا من بنها إسمه محمد فؤاد ( فاكره إسمه بس علشان كان على إسم المطرب :D )
المهم إيه محمد دا إحم إحم كان معجب يقوم يعمل إيه علشان يوصل لي إنه معجب بيا كتب قصيدة شعر أه وربنا :D
وإدانى كشكول المحاضرات وقالى خديه إنقلى المحاضرات اللى ناقصاكى وأنا زي الهبلة قريت القصيدة ولا فهمت هو يقصد إيه ورجعت له الكشكول زي الهبلة برضوا
ومن مكانى هذا أحب أقوله فينك يا محمد يا فؤاد أنا أسفة :D

هو دا شعب مصر

عاوز تشوف شعب مصر بجد ،

عاوز تحبه وتكرهه ف نفس الوقت ،

عاوز تشوف كل أطياف المجتمع مرة واحدة في لحظة واحدة ،

عاوز تشوف الإحترام وعكسه ..

 إركب القطر .

  شاهى محمد

نزار قبانى

إلى كل من يعتقد أن الشاعر نزار قبانى كان عِربيداً ينام ويستيقظ على خمر ونساء ..
إن الشعر ما هو إلا حالة من نسج الخيال من الممكن أن يكون رأى فتاة تعبر الطريق أو تغادر الباص أو تقطن في مبناه ونسج في خياله قصيدة شعرية عنها فالشعر هو بعض الخيال ..
وأنا لا أستثنى أنه كانت له نزوات فهو بشر يخطئ ويصيب مثلكم ..
ولكنه أحب زوجتيه وأخلص لهما حتى النخاع ..
وخاصة زوجته بلقيس بعدما إغتيلت لم يتزوج ولم يحب غيرها حتى وفاته ..

نزار قبانى بلا منازع شاعر الرومانسية والحب والوفاء ..
رجل أحبته كل النساء .. وذاب هو في عشقهن ، وعرف بعض من أسرارهن .. فـ ملك قلوبهن ♥
رجل عرف معنى الحب ومعنى الوفاء ومعنى الجمال ..
حب المرأة ، حب الأهل ، حب الوطن ،
الوفاء للزوجة ،الوفاء للأهل ، الوفاء للوطن ،
وجمال المرأة ، جمال الأهل ، جمال الوطن ..
إذا كنتم عاجزين عن أن تصبحوا مثله ..
فكفوا ألسنتكم عنه فهو بين يدى الله الأوحد القادر على محاسبته وليس أنتم .
  شاهي

قائمة أمنياتى .. أدعو الله أن تتحقق يوماً ما ( متجدد )

* أتمنى أن أزور بيت الله الحرام .

* أتمنى أن أنهى دراستى في كلية الآداب انجليزى ترجمة .

* أتمنى أن أقرأ في الشهر 20 كتاباً ولا أنسى أن يكون منهم كتاب الله ولا أنسى ما قرأت .

* أتمنى أن أزور تركيا .

* أتمنى أن أزور ميدان هاتشيكو في اليابان .

*  أتمنى أن أصبح شخصية محبوبة .

* أتمنى أن أصبح ميسورة مادياً .

* أتمنى أن أتزوج شخص متفهم حنون وأنجب بنتان وولد .

* أتمنى أن يصبح لى مشروعى الخاص .

* أتمنى أن أنجح في المجال الإذاعي  .

 

 

سينما مش نظيفة

في لحظة تفكير إكتشفت إن إحنا ماعندناش سينما نظيفة حتى أفلام الأربعينيات والخمسينات .. أفلام الأبيض والإسود اللى دايما نفتكرها ونستشهد بيها إنها أعظم ما أنتجت السينما المصرية وإن السينما المصرية حاليا لن تأتى تاريخيا بأفلام في روعة أفلام الأبيض وإسود
لكن أنا فعلا إكتشفت إن مافيش سينما نظيفة لكن الفرق 3 حاجات ...

1- المَشاهد المبررة :
يعنى لمسة الإيد غير الحضن غير البوسة غير مشهد لا مؤاخذة 2 ف السرير ...

2- قصة الفيلم :
يعنى فيه فيلم قصته تطغي على أى مَشَاهِد مهما كانت القصة محتاجة بوس مبرر أو حضن مبرر أو أي كان اللى موجود بعد كدا مبرر برضوا :)

وفيه فيلم يتحشر فيه المبررات دى علشان ينجح ويسمع وخلاص وف الآخر دى حرية فنية ..

3- عقول البشر :
زمان العقول كانت مختلفة يعنى هو ماكنش فيه رغبات وشهوات ، كان فيه طبعا ..
بس المشكلة إن السينما خيال مفتوح قدام المتفرج يا إما تزودها يا إما تقلل منها
لكن فيه حاجة غايبة إن أخلاق زمان غير أخلاق دلوقتى اللى أصبحت منقرضة .
ودا سببه الإنفتاح الرهيب في عالم الانترنت والأفلام الإباحية المتاحة مجاناً

يا ترى المشكلة في مين ؟!!
في اللى عاوز سينما نظيفة مافيهاش أحضان ولا بوس بس مش هايلاقيها لأن للأسف النوع دا في مصر منقرض أو في العالم عموما يعنى إلا قلة قليلة جدا ؟!!
ولا اللى عاوز سينما ومقتنع إنها حرية رأي وتعبير ومافيهاش حدود ؟؟
ولا اللعب على الشباب اللى يهمه المناظر والممثلة الجامدة والمينى والميكرو والمايوهات اللي بيشوفوها في الافلام وأهو المهم المكسب ؟!

ولا الأخلاق اللي كل يوم بتنزل في مستواها عن اليوم اللي قبله والشباب اللي بيشوفوا الممثل قدوة ويقلدوه تقليد أعمى !!

أنا عن نفسي محتارة هو إحنا كان عندنا سينما نظيفة إمتى من أساسه ؟
بس اللى أنا متأكدة منه إنها بتساعد كتير على تحريك الغرائز واللعب في المشاعر
يا ترى دا غلط ولا حرية فن ؟!!!

أسئلة مش لاقية إجابة ليها حقيقي !!! .
شاهي 

قلبي مملكة

إلى صائدي الفتيات عبر الإنترنت..
كفوا ألاعيبكم عنى ..
فقلبي ممكلة على عرشها ملك واحد فقط ..
لن تستطيعوا أبدا إقتحام أسوارها مهما مكرتم :)

 

 

أمنية

اللهم أرزقنى زوجا يحبنى مثل حب محمداً لـ خديجة .. وحب نزار لـ بلقيس ..

ولا يحبنى حب عنتر لـ عبلة .. أو حب قيس لـ ليلى ..

آمين :)

شاهي محمد