فستان زفافي

فستان الفرح - الفستان الأبيض

حلمى وحلم كل فتاة ..

ولكن هل هي خطيئة أنى احلم بأن أرتديه لمن

يستحقه ؟!!!

شاهى محمد

متى ؟!!

           متى ستأتين يا فرحتى الغائبة ؟ ؟ 

              اشتقت الى دموع الفرح .

شاهى محمد

فعلا

                      أوقات قلة الذوق بتكون ترياق ..
                                   اه وربنا .

  شاهي محمد

علشان ماتنضربش على قفاك

إلى الرجل .. 

تخيل إحساسك وأنت ماشي ف أمان الله وواحد جه من وراك وعلى خوانة لسعك قلم محترم رنان على لامؤاخذة قفاك وجري هاتبقى مبسوط ؟؟
تيجى تحكى أقولك وأنت إيه أصلا اللي مشاك في الشارع دة ؟؟
حد قالك تمشي وأنت مديله لامؤاخذة قفاك ؟؟
وإيه اللي لبسك كدة ما هو أكيد لبسك أستفزه وعلشان كدة علّم على لامؤاخذة قفاك ...

شوف إحساسك إيه وتخيل إحساس بنت ماشية ف حالها في أمان الله وواحد جه مد إيده عليها واتحرش بيها .. ذنبها انها مشيت ف الشارع ؟؟ ولا ذنبها لبسها ؟؟

لو أنت تفكيرك كدة إنها ليه تنزل وليه تمشي في الشارع وليه تلبس كدة رغم أنه بيحصل كدة مع محجبات أكتر من اللي مش محجبات !!!

يبقى أنت تستاهل حالا لامؤاخذة تاخد على قفاك علشان دى مش رجولة ولا شهامة الراجل أى كان دينه او جنسيته ...

الراجل اللي مايصنش المرأة حتى عن لسانه يبقى لامؤاخذة نبعت له عنوان شارع الأقفاوات لأن دة مكانه الطبيعى .

وعلشان ماتنضربش على قفاك أحميها م الأقفاوات .
وشكرا .

 شاهى محمد

اللف والدوران

    اللف والدوران لا جنسية لهم الا الرجل العربي ..
           واولهم بلا منازع المصري :)

 شاهى محمد

إياك تبكي

عُمر اللي جاي ما هايكون أغلى من اللي ر اح وزعلنا واتقهرنا عليه
مافيش حاجة أبدا تستاهل لحظة حزن ولا دموع .. ممكن نحزن وممكن نبكي بس مش بحرقة زي الأول ..
ماحدش بيحس بـ ألمك .. أنت بس اللي بتعيش فيه ليل نهار على أمل أن اللي جرحك يحس بيك بس يحس ازاي ؟؟
دة اللي باعك وخلي بيك .. باعك وهو عارف انه هايجرحك ومع ذلك باعك مش هايحس أبدا بتأنيب الضمير .
واللى خانك .. خانك وهو عارف أنه بيخونك وعارف أنه بيطعنك ويكمل طعنات .
واللى سرق أحلامك .. سرقها وهو عارف أنه بيهدم أحلى ما فيك .
" يبقى ليه تتوجع وتبكي وتتألم "
لو بكيت أبكي على نفسك أنك وثقت يوم فيه .. بس ماتندمش على إنك عشت إحساس جميل وماتبكيش كتير .. قوي نفسك بنفسك .
ماتخليش حد يشمت فيك ولا تستنى من حد أنك تصعب عليه .
لما دموعك تنزل إيدك بس اللى بتكون ماسكة المنديل .
شاهى محمد

ربما تندم

لن أحكم على أحد من ماضيه
 .فـ ماضي الألماس .. فحم . 
  منقول